Til haqida maqollar

Til haqida o’zbek xalq maqollar to’plami. Ona tili haqida hikmatli so’zlar, maqollar.

Til haqida maqollar.

Til – insonning eng buyuk ne’matlaridan biridir. U odamning ma’naviy qiyofasini, odob-axloqini va jamiyatdagi o‘rnini belgilaydi. Shirin so‘z qalblarni yaqinlashtirsa, achchiq so‘z yuraklarni ranjitadi. Shu bois ota-bobolarimiz til va so‘zning qadr-qimmati haqida ko‘plab hikmatli maqollar yaratganlar. Quyida ana shu maqollarni ma’nosiga qarab turli kategoriyalarga ajratib ko‘rib chiqamiz.

Tilning qudrati va ta’siri.

• Til bor bol keltirar, til bor balo keltirar.

• Tig’ yarasi bitadi – til yarasi bitmaydi.

• Til tig’i qilich tig’idan o’tkir.

• Aytilgan so’z – otilgan o’q.

• Yomon so’zning qanoti bor.

• Kishining o’zi yetmagan yerga so’zi yetar.

Yaxshi va yomon so‘z haqida maqollar.

• Yaxshi so’z suyuntirar, yomon so’z kuyuntirar.

• Yomon gap tarsakidan yomon.

• Yaxshi so’z bilan ilon inidan chiqadi – yomon so’z bilan pichoq qinidan chiqadi.

• Shirin so’z shakardan shirin.

• Bir yaxshi gap esdan chiqmas, bir yomon gap.

• Yaxshi so’z jon ozig’i – yomon so’z bosh qozig’i.

• Sevdirgan ham til, bezdirgan ham til.

• Yaxshining so’zi toshni eritar, yomonning so’zi boshni chiritar.

• Yomon so’z egasiga qaytar.

So‘z va odamning qadr-qimmati haqida.

• O’ziga boqma – so’ziga boq.

• So’zning boyligi – odamning chiroyligi.

• So’z inson ziynati.

• Til – aql tarozisi.

• So’z ko’rki maqol.

• Til – aql bezagi.

• Til – dil tarjimoni.

• Til – dil jarchisi.

• Taom lazzati o’zida – odam lazzati so’zida.

• Bug’doy noning bo’lmasin, bug’doy so’zing bo’lsin.

• Ariqni suv bezar – odamni so’z.

Til va odob haqida maqollar.

• Tilga ixtiyorsiz – elga e’tiborsiz.

• Tilga e’tibor – elga e’tibor.

• Odobning boshi til.

• Til – dil kaliti.

• Oz gapir – soz gapir.

• Aytar so’zni ayt, aytmas so’zdan qayt.

Tilning yaxshi-yomon oqibatlari maqolar.

• Til yaxshisi boyitar, til yomoni zor etar.

• Tilingda bo’lsa boling, kulib turar iqboling.

• Ochiq til osh yedirar, achchiq til tosh yedirar.

• Ming chechanni bir ezma yengar.

• Tili nopokning o’zi nopok.

• Yomonning yaxshi so’zidan yaxshining yomon so’zi yaxshi.

• Sen ham bir og’izdan, siz ham bir og’izdan chiqadi.

• Arslon izidan, yigit so’zidan qaytmaydi.

Maqollar to’plami